რუსეთის ამჟამინდელი პრეზიდენტი, ვლადიმერ პუტინი, ხელისუფლებაში 1999 წლის 16 აგვისტოს მოვიდა, როცა ის პრემიერ-მინისტრად დაინიშნა. მას ეს პოსტი 2000 წლის 7 მაისამდე ეკავა. პრემიერობის შემდეგი პუტინი ქვეყნის პრეზიდენტი გახდა და ეს პოსტი უწყვეტად, 2000 წლიდან 2008 წლის მაისამდე, ეკავა. ორი საპრეზიდენტო ვადის შემდეგ პუტინი კვლავ პრემიერ-მინისტრი გახდა და ამ პოსტზე 2008 -2012 წლებში მუშაობდა.

ამრიგად, ორი საპრეზიდენტო ვადისა და ორჯერ ქვეყნის პრემიერ-მინისტრობის შემდეგ, პუტინმა 2012 წელს უკვე მესამედ იყარა კენჭი პრეზიდენტის პოსტზე და გაიმარჯვა კიდეც. ის ამ დრომდე მართავს ქვეყანას.

ამგვარად, პუტინს ხელისუფლების სათავეში ყოფნის 18 წელი შეუსრულდა. ამ მაჩვენებლით მან უკვე გადაუსწრო ლეონიდ ბრეჟნევს, რომელიც საბჭოთა კავშირის მმართველი 6 601 დღის განმავლობაში იყო. პუტინმა ბრეჟნევის მაჩვენებლები 14 სექტემბერს გააუმჯობესა თუმცა, ის ჯერ კიდევ არ არის რეკორდსმენი ამ მაჩვენებლით, მას იოსებ სტალინი უსწრებს, რომელიც სსრკ-ს 27 წლის განმავლობაში მართავდა.

დიდი ალბათობით, პუტინი 2018 წლის საპრეზიდენტო არჩევნებში იყრის კენჭს და შეეცდება, უკვე მეოთხედ გახდეს ქვეყნის პრეზიდენტი.