ინგლისური როკ-ჯგუფი რედიოჰედი და გერმანელი კომპოზიტორი ჰანს ციმერი ბუნების ისტორიაზე გადაღებულ BBC-ის სერიალისთვის Blue Planet II გაერთიანდნენ.

მათ რედიოჰედის 2011 წლის ალბომიდან, The King of Limbs-დან სიმღერა Bloom საორკესტრო ვერსიად გადააკეთეს. ტრეკს (ocean) bloom ერქმევა და ის ზღვის ხმებითაა შთაგონებული. BBC-ის საკონცერტო ორკესტრმა ტომ იორკთან ერთად ის უკვე ჩაწერა.

იორკი ჰანს ციმერთან ერთად მუშაობას იხსენებს:

"ჰანსი შესანიშნავი კომპოზიტორია, რომელიც ბევრ მუსიკალურ ჟანრს ფლობს. ასეთ ნიჭიერ ადამიანთან მუშაობა ყველა ჩვენგანისთვის გამათავისუფლებელი იყო".

Blue Planet II 27 სექტემბერს გამოდის, მანამდე კი შეგიძლიათ მოუსმინოთ წლების წინ ჩაწერილ Bloom-ის პირველ ვერსიას.