Apple-მა სექტემბრის ტრადიციულ ღონისძიებაზე რამდენიმე ახალი პროდუქტი წარადგინა. თუმცა, ყველაზე დიდ ყურადღებას iPhone-ის ახალი მოდელები იქცევს.

როგორც მოსალოდნელი იყო, 12 სექტემბერს, კომპანიამ საზოგადოებას iPhone 8, iPhone 8 Plus და iPhone X გააცნო.

ახალი iPhone 8 ბაზარზე 21 სექტემბრიდან გამოვა, საქართველოში მისი შეძენის შესაძლებლობა კი სამი ნოემბრიდან გექნებათ.

როგორც მოსალოდნელი იყო, ამერიკულ და ქართულ ფასებს შორის გრანდიოზული სხვაობაა, მაგალითად, თუ აშშ-ში მისი ღირებულება $699 არის, საქართველოში, ერთ-ერთ მაღაზიაში ის 5555 ლარად (დღევანდელი კურსით $2258) გაიყიდება.

რაც შეეხება iPhone X-ს, რომლის ღირებულებაც $999 არის, ჩვენთან 9999 ლარად (დღევანდელი კურსით $4060) გაიყიდება.

რამდენიმე თვის შემდეგ კი ახალი მოდელები სავარაუდოდ გაიაფდება.

თქვენზეა დამოკიდებული, გიღირთ თუ არა არარეალურ ფასად საქართველოში ახალი აიფონის შეძენა. თუმცა, როგორც გამოცდილება აჩვენებს, ქართულ მაღაზიებს iPhone-ების გაყიდვა არასოდეს გასჭირვებიათ.

რა მახასიათებლები აქვთ ახალი თაობის ტელეფონებსა და რით განსხვავდებიან ისინი ერთმანეთისგან? წაიკითხეთ ჩვენი სტატია - ყველაფერი, რაც iPhone 8-ისა და iPhone X-ის შესახებ უნდა იცოდეთ.