ნიუ-იორკში ვერტმფრენის მდინარე ჰუდსონში ჩავარდნის შედეგად 6 ადამიანი დაიღუპა. ნიუ-იორკის ოფიციალურმა პირებმა და მაშველებმა ჟურნალისტებს განუცხადეს, რომ ვერტმფრენში პილოტი და ესპანეთიდან ჩამოსული ტურისტების ოჯახი იმყოფებოდა: ორი ზრდასრული და სამი ბავშვი.

კატასტროფის გამომწვევი მიზეზები ჯერ უცნობია. სოციალურ ქსელებში გავრცელებულ ვიდეოში ჩანს

როგორ ვარდება ვერტმფრენი მდინარეში.

ვერტმფრენი ჩამოვარდა ნიუ-იორკის ისტორიულ ცენტრთან ახლოს, ქვემო მანჰეტენთან ახლოს, მაგრამ ჰუდსონის მდინარის მოპირდაპირე ნაპირზე, რომელზეც ნიუ-ჯერსი მდებარეობს.

ნიუ-იორკის პოლიციის კომისარმა ჯესიკა ტიშმა პრესკონფერენციაზე განაცხადა, რომ ვერტმფრენი ეკუთვნოდა კომპანია New York Helicopters-ს.

FlightRadar-ის ცნობით, ვერტმფრენმა ჩამოვარდნამდე რამდენიმე ფრენა განახორციელა მანჰეტენისა და ჰუდსონის მდინარეების გასწვრივ.

ვერტმფრენი Bell 206L-4 LongRanger IV მოდელისაა და შვიდ ადამიანს იტევს.