"ოცნების" პრეზიდენტის, მიხეილ ყაველაშვილს პირველი საგარეო ვიზიტი აზერბაიჯანში 14-15 აპრილს გაიმართება, მოგვიანებით კი ის სომხეთში ჩავა.

ინფორმაცია ყაველაშვილის საგარეო ვიზიტების შესახებ საერთაშორისო ურთიერთობების საკითხებში მისმა მრჩეველმა, ლუკა ეხვაიამ საზოგადოებრივი მაუწყებლის პოდკასტში "42-ე პარალელი" განაცხადა.

"აზერბაიჯანში 14-15-ში იქნება პირველი ვიზიტი, შემდეგ უკვე სომხეთში, სავარაუდოდ, თვის ბოლოს. რიცხვები ჯერ არ არის განსაზღვრული", — თქვა ლუკა ეხვაიამ.

ცნობისთვის, მიხეილ ყაველაშვილს მხოლოდ ერთი მრჩეველი ჰყავს, ისიც საერთაშორისო ურთიერთობების საკითხებში და — TikTok-არხ "ფუკოს ქანქარას" ავტორი ლუკა ეხვაია.

BMG-ის ცნობით, გამოთხოვილ საჯარო ინფორმაციაზე დაყრდნობით, ოცნების პრეზიდენტის მრჩეველს სახელმწიფო ბიუჯეტიდან თვეში 6 424 ლარს უხდიან.