საქართველოს პრემიერის გერმანიაში ვიზიტისას მისთვის გამართულ საზეიმო დახვედრაზე გერმანიის კანცლერმა ანგელა მერკელმა ვიზალიბერალიზაციაზე ისაუბრა:

"ევროკომისიამ დაადგინა, რომ საქართველომ შეასრულა ყველა კრიტერიუმი ვიზალიბერალიზაციისთვის, დღეს ლაპარაკია იმაზე, თუ როდის მივიღებთ საბოლოო გადაწყვეტილებას საქართველოსთვის ვიზალიბერალიზაციის მინიჭებაზე".

მერკელმა აღნიშნა, რომ გასულ კვირას სატელეფონო საუბარში მან კვირიკაშვილს უთხრა, რომ გერმანია საქართველოსთვის ვიზალიბერალიზაციას განიხილავს შეჩერების მექანიზმის კონტექსტში:

"ამას არ აქვს დიდი კავშირი საქართველოსთან, ეს დაკავშირებულია უამრავი ადამიანის ევროკავშირში ჩასვლასთან და მათ მიერ პოლიტიკური თავშესაფრის მოთხოვნასთან. როგორც ეს შარშან სერბეთის შემთხვევაში მოხდა. არ გვინდა ეს განმეორდეს, ამიტომ მივისწრაფვით შეჩერების მექანიზმისკენ. ეს საკითხი ევროპარლამენტმა უნდა გადაწყვიტოს".

ეს გიორგი კვირიკაშვილის პირველი ვიზიტია გერმანიაში პრემიერის რანგში. შეხვედრაზე ანგელა მერკელმა საქართველო-რუსეთის ურთიერთობებიც შეაფასა.

საფრანგეთი და გერმანია საქართველოსთვის ვიზალიბერალიზაციის მინიჭებას მათ ქვეყნებში კრიმინალის ზრდის თავიდან არიდების მიზეზითაც ეწინააღმდეგებიან (ამის შესახებ ვრცელი პუბლიკაცია გამოქვეყნდა გერმანულ გაზეთში Die Welt).