კიმბერლი ლოუ სოციალურ ქსელში ულტრამემარჯვენე პარტია "ეროვნული გაერთიანების" ლიდერის, მარინ ლე პენის სასამართლო განაჩენს ეხმაურება. მისი თქმით, ევროპაში კონსერვატორებს ავწროებენ ჯერ მედიაში, შემდეგ ფინანსურად და თუ არჩევნებზე გამარჯვების შანსი აქვთ, ციხეში სვამენ.

"მე მაქვს კონფიდენციალური ინფორმაცია მარინ ლე პენზე ევროპარლამენტარებისგან.

საფრანგეთის კონსერვატიული პარტიის ლიდერი მარი ლეპენი ევროკავშირის ფონდების გაფლანგვაში დამნაშავედ ცნეს და 5 წლით აუკრძალეს პოლიტიკურ თანამდებობაზე ყოფნა.

აპელაციის ხანგრძლივობიდან გამომდინარე, ეს ზღუდავს მის უფლებას, კენჭი იყაროს საპრეზიდენტო არჩევნებზე.

მართლა რა ხდება ევროპაში კონსერვატორებზე?

ჯერ მედიაში ავიწროებენ,

მერე ფინანსურად,

მერე არჩევნებზე,


შემდეგ ციხეში სვამენ, თუ არჩევნებში გამარჯვება შეუძლიათ.

გადახედეთ რუმინეთში გაუქმებულ არჩევნებს, საქართველოში არჩევნების შედეგების გაუქმების მცდელობას, თურქეთის ოპოზიციონერი პრემიერმინისტრის დაპატიმრებას, უნგრეთსა და პოლონეთს დაბლოკილი ფინანსების უკან დახევას", — წერს ლოუ.

ცნობისათვის, ლე პენი და მისი პარტიის 24 წევრი, მათ შორის 9 ყოფილი ევროპარლამენტარი და მათი 12 საპარლამენტო ასისტენტი ფრანგულმა სასამართლომ დამნაშავედ ცნო — მათ ბრალი ედებოდათ ევროპის პარლამენტის მიერ გამოყოფილი საბიუჯეტო თანხების გაფლანგვაში. საპარლამენტო ასისტენტების ნაცვლად, პარტია თანხას თავის თანამშრომლებს უხდიდა საფრანგეთში.