მიხეილ ყაველაშვილმა იუსტიციის უმაღლესი საბჭოს წევრის თანამდებობაზე მანუჩარ კაკოჩაშვილის დანიშვნის შესახებ მიიღო გადაწყვეტილება. ინფორმაციას მიხეილ ყაველაშვილის ადმინისტრაცია ავრცელებს.

2024 წლის 21 ივნისს სალომე ზურაბიშვილმა იუსტიციის უმაღლესი საბჭოს არამოსამართლე წევრად კახა წიქარიშვილი დანიშნა. წიქარიშვილს რეკომენდაცია შესარჩევმა კომისიამ გაუწია — 5 კანდიდატიდან პრეზიდენტს გიორგი ბურჯანაძის და კახა წიქარიშვილის კანდიდატურები წარედგინა, სალომე ზურაბიშვილმა კი საბჭოში კახა წიქარიშვილი დანიშნა.

მიხეილ ყაველაშვილის ადმინისტრაციის ცნობით, გადაწყვეტილება თბილისის საქალაქო სასამართლოში გასაჩივრდა, კონკურსში მონაწილე კანდიდატის მიერ.

"საქმეში არსებული მასალების სრულყოფილად გაცნობის შედეგად, ცხადად გამოიკვეთა, რომ კახა წიქარიშვილის იუსტიციის უმაღლესი საბჭოს წევრად დანიშვნა განხორციელდა კანონმდებლობით გათვალისწინებული პროცედურული დარღვევებით. შესაბამისად, სასამართლომ დააკმაყოფილა მანუჩარ კაკოჩაშვილის სარჩელი", — ნათქვამია მიხეილ ყაველაშვილის ადმინისტრაციის მიერ გავრცელებულ ინფორმაციაში.

12 მარტს კახა წიქარიშვილი ტვ პირველი ეთერში განაცხადა, რომ მან და მისმა ადვოკატმა მოითხოვეს ახალი მტკიცებულებების წარმოდგენა, მაგრამ მოსამართლემ არ გაითვალისწინა და თბილისის საქალაქო სასამართლომ დააკმაყოფილა მანუჩარ კაკოჩაშვილის სარჩელი და კახა წიქარიშვილის იუსტიციის უმაღლეს საბჭოში დანიშვნის განკარგულება ბათილად ცნო და პრეზიდენტის ადმინისტრაციას დაავალა, წიქარიშვილის ნაცვლად საბჭოში მანუჩარ კაკოჩაშვილი დანიშნოს.

სასამართლომ პრეზიდენტის ადმინისტრაციას დაავალა, წიქარიშვილის ნაცვლად იუსტიციის საბჭოში მანუჩარ კაკოჩაშვილი დანიშნოს