უკრაინის საგარეო საქმეთა მინისტრი, ანდრიი სიბიგა ეხმაურება 30-დღიან ცეცხლის შეწყვეტასთან დაკავშირებით ვლადიმერ პუტინის განცხადებას. სიბიგას თქმით, ცალსახაა ის, რომ რუსეთს კონფლიქტის დასრულება არ სურს.

"სწორედ ეს არის განსხვავება. უკრაინამ თქვა "კი" აშშ-ის მიერ შეთავაზებულ ცეცხლის შეწყვეტაზე, რადგან უკრაინას სურს მშვიდობა. პუტინმა თანხმობის ნაცვლად პირობები წამოაყენა.

უკრაინას სურს ომის დასრულება. პუტინი ცდილობს ომის გაგრძელებას. ყველა სხვა მისი სიტყვა კვამლის ფარდაა", — წერს სიბიგა X-ზე.