საქართველოს ფინანსთა სამინისტროს საგამოძიებო სამსახურის ინფორმაციით, თბილისში, სამეგრელოსა და ქვემო ქართლის რეგიონებში 13 377 კოლოფი უაქციზო სიგარეტი ამოიღეს. უწყების ინფორმაციით, სიგარეტის საბაზრო ღირებულება 37 ათას ლარს აღემატება.

საქმეზე გამოძიება სისხლის სამართლის კოდექსის მე-200 მუხლის (მარკირებას დაქვემდებარებული აქციზური საქონლის აქციზური მარკის გარეშე გამოშვება, შენახვა, რეალიზაცია ან გადაზიდვა) პირველი და მესამე მუხლებით მიმდინარეობს. ბრალის დამტკიცების შემთხვევაში სასჯელის სახით ექვსიდან რვა წლამდე პატიმრობაა გათვალისწინებული.