რუსეთის ფედერაციის დაღესტანსა და ჩეჩნეთში სოციალური პლატფორმა Telegram-ის მოხმარება აიკრძალა.

დაღესტანის ციფრული განვითარების მინისტრმა იური გამზატოვმა განაცხადა, რომ გადაწყვეტილება ფედერალური ხელმძღვანელობის დონეზე იქნება მიღებული. მისი თქმით, აკრძალვა მიიღეს ჩეჩნეთშიც.

"გადაწყვეტილება ბლოკირების შესახებ მიღებულ იქნა ფედერალურ დონეზე, სამართალდამცავი ორგანოების წარდგენით. Telegram-ს ხშირად იყენებენ არაკეთილმოსურნეები, რისი მაგალითიც მაჰაჩყალის აეროპორტის არეულობაა", – განაცხადა გამზატოვმა.

გამზატოვმა დაამატა ისიც, რომ მომავალში შესაძლოა ეს აკრძალვა მოიხსნას, თუმცა ამ ეტაპზე არსებობს კარგი ანალოგები, მაგალითად VK (Vkontakte).

გამოცემა Cherovnik-ის ცნობით, აკრძალვაზე მუშაობა დაღესტანში, ჩეჩნეთსა და ინგუშეთში უკვე ნახევარი წელია მიმდინარეობს — შეფერხებების შესახებ მოქალაქეებმა 2024 წლის ოქტომბერში დაიწყეს საუბარი.