უწყვეტი პროტესტის მე-100 დღეს რუსთაველის გამზირი ისევ გადაიკეტა. პარლამენტის წინ მიმდინარე უწყვეტ პროტესტს შეუერთდნენ "საზოგადოებრივი მაუწყებლის" შენობასთან გამართული აქციისა და პროფესორ-მასწავლებლების, სტუდენტებისა და მოქალაქეების ერთობლივი საპროტესტო მსვლელობის მონაწილეები.

რუსთაველის გამზირი პროტესტის ცენტრად მორიგ ჯერზე 28 ნოემბერს იქცა, როცა ირაკლი კობახიძემ გამოაცხადა ქართული ოცნების გადაწყვეტილება, რომ საქართველოს ევროკავშირში გაწევრების საკითხი 2028 წლამდე შეჩერდეს.