აქტივისტი ნენსი ვოლანდი Facebook ჯგუფ "დაიტოვეში" ავრცელებს ინფორმაციას, რომ პროტესტის უკეთ კოორდინაციისთვის აქტივისტებმა აპლიკაცია "თერგი.app" შექმნეს.

"დიდი ხანია სიახლე არ გვქონია და ისეთი მაგარი რაღაც უნდა გაგიზიაროთ ახლა.

პროტესტის მეასე დღეს სიახლე გვაქვს, რომელიც პროტესტს უფრო კოორდინირებულს გახდის

თერგი არის პლატფორმა, რომელიც შეიქმნა სამოქალაქო მოძრაობაში ჩართული აქტივისტებისა და პროგრამისტების ჯგუფის მიერ და მიზნად ისახავს სრულ კოორდინაციას — დაგვეხმარება იმაში, რომ არ გამოგვრჩეს არცერთი პროტესტი და აქტივობა. ასევე გვაქვს იმედი, რომ გაზრდის პროტესტის მასშტაბებს და დეცენტრალიზაციას მეტად შეუწყობს ხელს.

რა შეგიძლიათ გააკეთოთ თერგზე:

1) მონიშნოთ ის დღე, როცა აპირებთ აქციაზე გასვლას;

2) გქონდეთ წვდომა ღონისძიებების კალენდართან და იცოდეთ სად და როდის იგეგმება კონკრეტული აქტივობა;

3) გაეცნოთ მნიშვნელოვან სიახლეებს პროტესტთან და ქვეყანაში არსებულ პოლიტიკურ ვითარებასთან დაკავშირებით;

4) გაიხსენოთ, რამდენი გამარჯვება მოგვიტანა ჩვენმა უწყვეტმა და დაუღალავმა პროტესტმა;

5) გაიგოთ როგორ დაიცვათ თავი მაშინ, როდესაც თავს გესხმიან, გაჯარიმებენ, გაკავებენ, გჩხრეკენ და ა.შ.;

6) ასევე, შეგიძლიათ თქვენი უნიკალური ლინკით, თქვენს მეგობრებსაც შესთავაზოთ რეგისტრაცია და გარკვეული ჩელენჯიც გვექნება, თუ მეტ ადამიანს ჩავრთავთ პროტესტში.

პლატფორმა მოგვცემს საშუალებას უკეთ "დავინახოთ" ერთმანეთი და კოორდინაციის მინიმალური ხარვეზებიც აღმოიფხვრას.

მნიშვნელოვანია ისიც, რომ ყველაფერი არის ანონიმური და დაშიფრული! ჩემი აზრით, ეს უნდა გახდეს ჩვენი "სამაგიდო პლატფორმა", — წერს ნენსი ვოლანდი.