მექსიკაში 8,1 მაგნიტუდის სიმძლავრის მიწისძვრის შედეგად გარდაცვლილია 61 ადამიანი. დაახლოებით, 200-მა ადამიანმა მძიმე ტრავმა მიიღო. გუშინ მექსიკის პრეზიდენტმა ქვეყანაში სამდღიანი გლოვა გამოაცხადა.

მექსიკის სამხრეთ-დასავლეთ სანაპიროსთან, მექსიკა-გვატემალას საზღვართან ახლოს, წყნარ ოკეანეში, გვიან ღამით 8,1 მაგნიტუდის სიმძლავრის მიწისძვრა დაფიქსირდა. CNN-ის ცნობით, მიწისძვრის ეპიცენტრი დედაქალაქ მეხიკოდან ათასი კილომეტრის მოშორებით იყო, თუმცა ძლიერი ბიძგები მაინც იგრძნობოდა. მექსიკის გარდა, ძლიერი ბიძგები იგრძნობოდა გვატემალასა და სალვადორში.