საფრანგეთის საგარეო საქმეთა მინისტრმა, ჟან-ნოელ ბარომ RTL Radio-ს განუცხადა, რომ დროებითი ზავი შეამოწმებს, იმოქმედებს თუ არა პუტინი კეთილსინდისიერად და იქნება თუ არა მზად სერიოზულად დაიწყოს მოლაპარაკებები გრძელვადიან სამშვიდობო შეთანხმებაზე.

ბარომ ასევე დასძინა, რომ რუსეთ-უკრაინის ომში "ნაწილობრივი ზავი", შეიძლება უფრო ხანგრძლივი შეთანხმების შესახებ მოლაპარაკებების წინაპირობა გახდეს — რაც გამოააშკარავებს მოსკოვის მზადყოფნას რაიმე შეთანხმების განსახორციელებლად.

"რუსეთ-უკრაინის ომში "ნაწილობრივი ზავი", რასაც საფრანგეთისა და გაერთიანებული სამეფოს ლიდერების მიერ შემოთავაზებული იდეა ითვალისწინებს, შეიძლება გახდეს უფრო ხანგრძლივი შეთანხმების შესახებ მოლაპარაკებების წინაპირობა და ასევე საშუალებას მოგვცემს დავინახოთ მზად არის თუ არა მოსკოვი რაიმე შეთანხმების განსახორციელებლად," — განაცხადა ჟან-ნოელ ბარომ.

შეგახსენებთ, საფრანგეთის პრეზიდენტმა, ემანუელ მაკრონმა განაცხადა, რომ საფრანგეთი და გაერთიანებული სამეფო უკრაინასა და რუსეთს ნაწილობრივ, ერთთვიან ზავს სთავაზობენ, რომელიც გავრცელდება შეტევებზე "ჰაერში, ზღვაში და ენერგეტიკულ ინფრასტრუქტურაზე".

ასევე იხილეთ:

The Telegraph: ბრიტანეთის პრემიერი ტრამპს უკრაინაში 30 000 ჯარისკაცის გაგზავნის გეგმას წარუდგენს

მარკ რუტე: მოკავშირეებს სურთ დარწმუნდნენ, რომ პუტინი აღარასოდეს ეცდება უკრაინაზე თავდასხმას

დონალდ ტუსკი: პარადოქსია, რომ 500 მილიონი ევროპელი 300 მილიონ ამერიკელს 140 მილიონი რუსისაგან დაცვას სთხოვს

შეთანხმება უკრაინასთან ომის დასრულების გეგმაზე, იარაღის წარმოებისთვის ახალი სასესხო ხელშეკრულება - რა შედეგებისთ დასრულდა EU-ს ლიდერების სამიტი