NATO-ს გენერალური მდივანი მარკ რუტე ლონდონში ლიდერების სამიტის დასრულების შემდეგ შეხვედრა დადებითად შეაფასა რადგან მისი თქმით, ევროპული ქვეყნები "აჩქარდნენ", როგორც საკუთარი ხარჯების, ასევე უკრაინის მხარდაჭერის კუთხით.

რუტემ განაცხადა, რომ ზოგიერთმა ქვეყანამ უკვე გააკეთა საჯარო განცხადებები თავდაცვის ხარჯების გაზრდის შესახებ და მისი აზრით მას აქვს ყველა საფუძველი, რომ ამას მეტი განცხადებები მოჰყვება.

"დღეს მოვისმინე ახალი განცხადებები და არ ვაპირებ მათ გამოცხადებას, რადგან მათ ეს [თვითონ] უნდა გააკეთონ, მაგრამ ეს იყო ძალიან კარგი ამბავი, რომ უფრო მეტი ევროპული ქვეყანა გაზრდის თავდაცვის ხარჯებს," — აღნიშნავს რუტე.

NATO-ს გენერალური მდივანი უკრაინაზე საუბრისას აღნიშნავს, რომ ჯერ არ არსებობს სამშვიდობო შეთანხმება, მაგრამ მისი თქმით მზად ყოფნა უნდა იყოს იმ მომენტისთვის და დარწმუნდნენ, რომ ევროპის ქვეყნები მზად არიან უკრაინას უსაფრთხოების გარანტიებში დაეხმარონ.

რუტემ ასევე დასძინა, რომ მოკავშირეებს სურთ "დარწმუნდნენ, რომ პუტინი აღარასოდეს ეცდება უკრაინაზე თავდასხმას".

კითხვაზე თუ რა კომენტარს გააკეთებდა აშშ-ის პრეზიდენტის დონალდ ტრამპის განცხადებებზე, რომ მას სჯერა NATO-ს მეხუთე მუხლის, მაგრამ ბალტიისპირეთი "მკაცრ სამეზობლოშია" — მარკ რუტემ განაცხადა, რომ ტრამპი მეხუთე მუხლის ერთგულია.

"ბევრჯერ მილაპარაკია პრეზიდენტ ტრამპთან. ის კარგი მეგობარია.

ის, როგორც არაერთხელ თქვა, სრულად ერთგულია, ნატოს მეხუთე მუხლის მიმართ.

ამიტომ, გთხოვთ, შევწყვიტოთ ჭორაობა იმის შესახებ, თუ რა შეიძლება გააკეთოს ან არ გააკეთოს აშშ-მა; ისინი NATO-ში არიან, NATO-ს ერთგული არიან, მეხუთე მუხლის ერთგული არიან, ეს არის ის, რასაც ისინი მუდმივად ამბობენ," — განაცხადა რუტემ.

ასევე იხილეთ:

შეთანხმება უკრაინასთან ომის დასრულების გეგმაზე, იარაღის წარმოებისთვის ახალი სასესხო ხელშეკრულება - რა შედეგებისთ დასრულდა EU-ს ლიდერების სამიტი