სამხრეთ კორეისა და დასავლეთის ქვეყნების დაზვევრების ინფორმაციაზე დაყრდნობით სამხრეთკორეული მედია წერს, რომ ჩრდილოეთ კორეამ უკრაინის ტერიტორიაზე რუსეთის აგრესიაში მონაწილეობის მისაღებად ჯარისკაცების დამატებითი კონტიგენტი გაგზავნა.

გასულ წელს, როგორც ამას სამხრეთკორეული დაზვერვა იტყობინებოდა, კიმ ჩენ-ინმა რუსეთის დასახმარებლად ფრონტზე 10000 ჩრდილოეთკორეელი ჯარისკაცი გაგზავნა, რომლებიც უნდა მიხმარებოდნენ რუსეთის არმიას კურსკის რეგიონში, სადაც უკრაინამ მოულოდნელი კონტრშეტევა განახორციელა.

სეულის განცხადებით, კორეელი ჯარისკაცები ომის ამ მიმართულებაზე იანვრის შუა რიცხვების შემდეგ არ გამოჩენილან — უკრაინის ცნობით, ამის მიზეზი დიდი დანაკარგებია, რამაც აიძულა რუსეთის არმიის ხელმძღვანელობა, ჩრდილოეთკორეელი სამხედროები ფრონტიდან მოეხსნა დახმარების მიღებამდე. სამწუხაროდ, დამატებითი ძალების ზუსტი რაოდენობა ცნობილი არ არის. ცნობებს არ ადასტურებენ მოსკოვი და ფხენიანი.

ორმა ავტორიტარულმა ქვეყანამ 2024 წელს გააფორმა შეთანხმება, რომელიც ერთობლივი თავდაცვის პუნქტს მოიცავს.