საქართველოს პარლამენტის თავმჯდომარე ირაკლი კობახიძემ გენერალური აუდიტორის თანამდებობაზე ირაკლი მექვაბიშვილი დაასახელა. მექვაბიშვილი ევროპის რეკონსტრუქციისა და განვითარების ბანკის წარმომადგენელია.

გენერალური აუდიტორის კანდიდატურისათვის კენჭისყრა 20 სექტემბრის პლენარულ სხდომაზე იგეგმება. საქართველოს კანონმდებლობით ამ თანამდებობაზე წარდგენილ პირს ხუთწლიანი ვადით ირჩევენ.

ყოფილ მთავარ აუდიტორს, ლაშა თორდიას უფლებამოსილება თვენახევრის წინ ამოეწურა, ხელმძღვანელის მოვალეობას კი მისი მოადგილე, ნინო ლომჯარია ასრულებს.

აუდიტის სამსახურის ხელმძღვანელის თანამდებობაზე თბილისის მოქმედი მერი, დავით ნარმანიაც განიხილებოდა, რასაც მერიც ადასტურებდა.