ოცნების ლიდერის, მამუკა მდინარაძის თქმით, როცა ახლა ოცნებამ კატასტროფულად მკაცრი კანონი [FARA] დააანონსა, ამაზე ხმას არ იღებენ და გაცილებით მსუბუქი კანონის მიღებაზე 2 წლის განმავლობაში საქართველო ჩამოაქციეს.

"თქვენი თანამედროვე, თქვენი თაობის ადამიანები ამბობდნენ არა რუსულ კანონს და ეს გრძელდებოდეს თვეების განმავლობაში და სინამდვილეში კანონი იყოს რუსული.

კატასტროფულად მკაცრი კანონი რო დავაანონსეთ ახლა, კანონის მიღება, ამაზე ხმას არ იღებენ და გაცილებით მსუბუქი კანონის მიღებაზე ჩამოაქციეს ორი წლის განმავლობაში საქართველო.

რატომ ხდება ეს, რაშია საქმე ? კითხვა არ უჩნდება ან ახალგაზრდას, ან შუა თაობის, ან უფროსი თაობის იმ წარმომადგენელს, რომელიც მთელი ენთუზიაზმით და სამშობლოს სიყვარულით გამსჭვალული ბრჭყალებში და მის გარეშეც ხშირ შემთხვევაში, იმიტომ რომ ასე არიან ბევრნი დარწმუნებული ამაში, ამას რომ ამბობდნენ.

რატომ ხდება ახლა დღეს, რომ გაცილებით მკაცრ კანონზე ვერ იღებენ ხმას ? იმიტომ, რომ იტყუებოდნენ თავის დროზე. მეტი პასუხი და ეს ფული იხარჯებოდა, მილიონები და დღესაც ამერიკული ფონდებიდან შეწყდა, იმიტომ რომ ამერიკელმა ხალხმა აირჩია ისეთი ხელისუფლება, რომელმაც ეს აღარ ისურვა და პირიქით დაალაგა ეს ყველაფერი, ხოლო ევროპული ფონდებიდან ევროპული ბიუროკრატიის ხელშეწყობით იხარჯება დღესაც ისეთი თანხები, რომელიც დაარწმუნებს ადამიანს, რომ ამერიკულ კანონზე იძახოს - არა რუსულ კანონს," — თქვა ოცნების ლიდერმა, მამუკა მდინარაძემ.

ამავე თემაზე:

ირაკლი კობახიძე: იმედი მინდა გამოვთქვა, რომ პარლამენტში ამერიკული "ფარას" კანონი დაიხვეწება, ვინაიდან ეს არის საკმაოდ უხეში კანონი

"ოცნების" პარლამენტმა Fara-ს კანონპროექტი გამოაქვეყნა — რა წერია ამერიკულ კანონში?

ირაკლი კობახიძე: "ფარას" ზუსტი ანალოგი კანონის მიღებას საქართველოში ალტერნატივა არ აქვს

"ოცნების" პარლამენტმა ამერიკული FARA-ს ქართულენოვანი თარგმანი — "უცხოელი აგენტების რეგისტრაციის აქტი" დაარეგისტრირა

მამუკა მდინარაძე: ჩვენ სიტყვა-სიტყვით ვთარგმნეთ ამერიკული კანონი და მომავალ კვირაში დაინიცირდება ამერიკული FARA-ს სიტყვასიტყვით ნათარგმნი ვერსია