40 ამერიკელი კანონმდებელი მოუწოდებს ტრამპს, შეწყვიტოს პუტინის უკანონო ომის მხარდაჭერა უკრაინაში, ამის შესახებ აშშ-ს სახელმწიფო დეპარტამენტის კორესპონდენტი ალექს რაუფოღლუ სოციალურ ქსელში წერს და დოკუმენტს აქვეყნებს.

კონგრესმენები წერენ, რომ მიმდინარე კვირის დასაწყისში უკრაინაში რუსეთის შეჭრის სამი წლის თავზე გაეროში აშშ-მ "უკრაინაში ყოვლისმომცველი, სამართლიანი და ხანგრძლივი მშვიდობის ხელშეწყობის" რეზოლუციის წინააღმდეგ მისცა ხმა, რაც ასუსტებს აშშ-ს უსაფრთხოებას.

"როდესაც შეერთებული შტატები ხმას აძლევს იმ რეზოლუციას, რომელსაც ბელორუსი – რუსეთის მარიონეტულ სახელმწიფოს და ჩრდილოეთ კორეა, და ისეთი ქვეყნების წინააღმდეგაა, როგორიცაა ირლანდია და ავსტრალია საშიშ სიგნალს იძლევა", – წერია დოკუმენტში.

სენატორები მოუწოდებენ ტრამპს, შეცვალოს პოზიცია. მათი თქმით "უკრაინაში ომის დასრულების საუკეთესო გზაა უკრაინის იარაღით დახმარება და არა დახმარებისა და ნუგეშის მიცემა რუსეთისთვის, მისი მარიონეტებისა და დამკვეთი სახელმწიფოებისთვის და დიქტატორებისთვის მთელს მსოფლიოში," – წერენ სენატორები.

სენატი

სენატი