კლინიკა ვივამედის დირექტორ ზურაბ ჩხაიძის თქმით, მზია ამაღლობელს კლინიკაში შესაბამისი გაიდლაინის მიხედვით კვების აღდგენითი კურსი უტარდებოდა. მას შემდეგ, რაც მზია ამაღლობელმა პენიტენციურ დაწესებულებაში დაბრუნება გადაწყვიტა, ზურაბ ჩხაიძე არსებული გაიდალინის შესაბამის რეკომენდაციას გასცემს, რომ ამაღლობელმა კვების აღდგენითი კურსი იქაც გააგრძელოს.

ჩხაიძემ ასევე აღნიშნა, რომ ბოლო კვლევების მიხედვით, მზია ამაღლობელის ჯანმრთელობის მდგომარეობა დამაკმაყოფილებელია.

"ლაბორატორიული კვლევის შედეგებიც დამაკმაყოფილებელია, მას უტარდებოდა კვების აღდგენითი კურსი გაიდლაინის შესაბამისად, ვაპირებდით ამ კურსის გაგრძელებას მაგრამ პაციენტი ითხოვს პენიტენციურში დაბრუნდეს, ჩვენ გავცემთ რეკომენდაციას არსებული გაიდალინის შესაბამისად, რაც გაგრძელდება შესაბამის პენიტენციურ დაწესებულებაში," —განაცხადა კლინიკა ვივამედის დირექტორმა, ზურაბ ჩხაიძემ.

შეგახსენებთ, საქართველოს ახალგაზრდა იურისტთა ასოციაციის განცხადებით — მზია ამაღლობელს დღეს კლინიკა "ვივამედიდან" პენიტენციურ დაწესებულებაში გადაიყვანენ, სადაც დაბრუნება მისი სურვილი იყო როგორც შიმშილობის პერიოდში, ისე ახლაც.

საია-ს ცნობით, მზია ამაღლობელს სურს, ადვოკატებთან ერთად პირადად მიიღოს მონაწილეობა 4 მარტს ბათუმის საქალაქო სასამართლოში დაგეგმილ პროცესში.

შეგახსენებთ, რომ ბათუმელების და ნეტგაზეთის თანადამფუძნებელი და დირექტორი, მზია ამაღლობელი 12 იანვარს დააკავეს. 38-დღიანი შიმშილობის შემდეგ მან შიმშილობის შეწყვეტის გადაწყვეტილება მიიღო. 4 თებერვლიდან მზია ამაღლობელი კლინიკა ვივამედში იმყოფება.

ასევე იხილეთ:

საია: "მზია ამაღლობელს დღეს გადაიყვანენ კლინიკა "ვივამედიდან" პენიტენციურ დაწესებულებაში, სადაც დაბრუნება მისი სურვილი იყო"

ზურაბ ჩხაიძე: "მზია ამაღლობელი კლინიკაში რჩება, რათა თავიდან ავიცილოთ "ხელახალი კვების სინდრომი"

საია სასამართლოს საჩივრით მიმართავს, რომ მზია ამაღლობელი დაზარალებულად ცნოს

ქუთაისის სააპელაციო სასამართლომ მზია ამაღლობელის პატიმრობის გაუქმების შუამდგომლობა დაუშვებლად ცნო