პუტინმა უკრაინაზე მოლაპარაკებებსა და შეერთებულ შტატებთან ერთობლივ პროექტებზე Russia 1-ის გადაცემის "მოსკოვი. კრემლი. პუტინი" ინტერვიუში ისაუბრა.

პუტინის თქმით, ზელენსკი თავს არიდებს მოლაპარაკებებს მშვიდობიანი მოგვარების შესახებ, ვინაიდან როგორც კი საომარი მდგომარეობა მოიხსნება, მაშინვე მოუწევს არჩევნებზე წასვლა.

მისივე თქმით, ზელენსკის რეიტინგი ორჯერ დაბალია, ვიდრე ზალუჟნის და მას არჩევნებში გამარჯვების ნული შანსი აქვს.

რუსეთის პრეზიდენტის თქმით, რუსეთს უკრაინაში მშვიდობის მიღწევა სურს, რასაც ვოლოდიმირ ზელენსკი უშლის ხელს. ის ტოქსიკური ფიგურაა და აბსურდულ ბრძანებებს იძლევა.

"კიევის რეჟიმის ამჟამინდელი მეთაური ხდება ტოქსიკური ფიგურა უკრაინის შეიარაღებული ძალებისთვის, რადგან ის იძლევა აბსურდულ ბრძანებებს, ნაკარნახევი არა სამხედრო მოსაზრებებით, არამედ პოლიტიკური. ამავე დროს, გაურკვეველია, რას ეფუძნება ისინი. ეს იწვევს უკრაინის არმიის დიდ, გაუმართლებელ, კატასტროფულ ზარალს," — თქვა პუტინმა.

ვლადიმერ პუტინი აცხადებს, რომ რუსეთმა და შეერთებულმა შტატებმა უკრაინის კონფლიქტის მოსაგვარებლად პირველი ნაბიჯი უნდა გადადგას ურთიერთნდობის ასამაღლებლად.

მისივე თქმით, ტრამპთან კონფლიქტის არსებითი გადაწყვეტა ჯერ არ განხილულა და აშშ-ს პრეზიდენტის მცდელობა, გააუმჯობესოს პოლიტიკური ვითარება უკრაინაში, უფრო მომგებიანია თავად უკრაინისთვის, ვიდრე რუსეთისთვის.

რია ნოვოსტისთან პუტინი იმასაც ამბობს, რომ რუსეთს არაფერი აქვს უკრაინის სახელმწიფოებრიობის შენარჩუნების საწინააღმდეგო, მაგრამ ეს ტერიტორია რუსეთისთვის მტრულ პლაცდარმად არ უნდა იქნას გამოყენებული.

"ამჟამინდელ ვითარებაში, რაც არ უნდა უცნაურად ჩანდეს, […] ჩვენ გვაინტერესებდა, რომ ის იქ იჯდა და კიდევ უფრო დაშალოს რეჟიმი, რომელთანაც ჩვენ შეიარაღებულ კონფლიქტში ვართ. მაგრამ, უკრაინის სახელმწიფოებრიობის გაძლიერების ინტერესების თვალსაზრისით, რა თქმა უნდა, აუცილებელია უფრო ენერგიულად და სრულიად განსხვავებული მიმართულებით მოქმედება — ხელისუფლებაში იმ ადამიანების მოყვანით, რომლებიც უკრაინელი ხალხის ნდობით ისარგებლებენ", — თქვა პუტინმა.