ინტერპრესნიუსი პოლონურ მედიაზე დაყრდნობით ავრცელებს ინფორმაციას იმის შესახებ, რომ პოლონეთის დედაქალაქ ვარშავაში ქართველი კაცი მოკლეს.

პოლონური მედიის ცნობით, საქართველოს 31 წლის მოქალაქე საავადმყოფოში გარდაიცვალა — ის კონსტიტუციის მოედანზე მდებარე რესტორნის წინ მომხდარ ჩხუბში მკერდის არეში დანით დაჭრეს. ჩხუბში 8 ადამიანი მონაწილეობდა. ინციდენტთან დაკავშირებით, პოლონელმა სამართალდამცავებმა საქართველოს სამი მოქალაქე დააკავეს.

ჩხუბში საქართველოს კიდევ სამი მოქალაქე დაშავდა.