კომპანია Apple კალიფორნიაში ახალ შტაბ-ბინას აშენებს, რომელშიც დასრულების შემდეგ 12 ათასზე მეტი ადამიანი იმუშავებს.

Apple Park 710 ათას კვადრატულ მეტრზე განთავსდება, რომელშიც საკუთარი რეკრეაციული ზონის გარდა სტივ ჯობსის მუზეუმი, ლაბორატორიები, ვიზიტორთა ცენტრი, მაღაზიები, ფიტნესცენტრი, კვლევითი ლაბორატორია, კაფეები და თანამშრომელთა მოსასვენებელი კუთხეები განთავსდება.

ტერიტორიაზე იგეგმება სტივ ჯობსის სახელობის თეატრის გახსნაც, რომელიც ათას მაყურებელზე იქნება გათვლილი, პირველი ღონისძიება კი 12 სექტემბერს არის ჩანიშნული.

კომპლექსი მთლიანად განახლებადი ენერგიით მომარაგდება, რომელსაც შენობების სახურავებზე განთავსებული მზის ენერგიის 17 მეგავატის სიმძლავრის პანელები გამოიმუშავებს.

საერთო ჯამში Apple-ს მშენებლობა $5 მილიარდი დაუჯდა.