Fox News–ის ინფორმაციით, ამერიკის შეერთებული შტატების ფედერალურმა გამომძიებლებმა მიმართეს ნაფიც მსაჯულთა კოლეგიას, რათა გამოიძიონ 12 ივნისს, ორლანდოში, გეი კლუბზე თავდასხმისას 49 ადამიანის მკვლელობასა და 53 ადამიანი მკვლელობის მცდელობაში თავდამსხმელის ცოლის თანამონაწილეობის საკითხი.

ფედერალურ გამომძიებლებს ასევე ეჭვი აქვთ, რომ თავდამსხმელის, ომარ მატინის ცოლს, ნოორ სალმანს ჰქონდა წინასწარი ინფორმაცია დაგეგმილი თავდასხმის შესახებ და მან არ გააფრთხილა სამართალდამცავი ორგანოები ამის შესახებ.

Fox News ასე აღნიშნავს, რომ ერთადერთი მტკიცებულება, რაც მატინისა და სალმანის ცოლ–ქმრობას ადასტურებს, გირავნობის ხელშეკრულება და მათი ოჯახის წევრების განცხადებებია, რომელთა ინფორმაციით, წყვილს 3 წლის შვილი ჰყავს.

როგორც წყარომ Fox News-ს განუცხადა, ნოორ სალმანმა გამომძიებლებს უთხრა, რომ მატენმა მას გეი კლუბ პულსიდან იმ დროს დაურეკა, როცა ის ადამიანებს კლავდა. გარდა ამისა, მან იცოდა თავდასხმამდე მატინის მიერ იარაღის შეძენის შესახებ. ჯერჯერობით, თავდამსხმელის ცოლი დაკავებული არ არის.

გამოძიების ფედერალურმა ბიურომ ნივთმტკიცებად ამოიღო თავდამსხმელი მობილური ტელეფონები და ამჟამად მონაცემების შესწავლა მიმდინარეობს. გამომძიებელთა განცხადებით, ომარ მატენი გეი კლუბ პულსის ხშირი სტუმარი იყო, გარდა ამისა, მოწმეების განცხადებით, მატინი გეი მამაკაცების გასაცნობად იყენებდა სპეციალურ მობილურ აპლიკაციას.

მატინი სამართალდამცავებმა სპეცოპერაციისას მოკლეს. თავად მატინმა კი 49 ადამიანი იმსხვერპლა, 53 დაჭრა, მათგან 6–ის მდგომარეობა კრიტიკულია.