2 თებერვალს, საპროტესტო მსვლელობისას ადმინისტრაციული წესით დაკავებული ეროვნული ბანკის ყოფილი პრეზიდენტი, გიორგი ქადაგიძე, მოსამართლე ნინო ენუქიძემ სასამართლო დარბაზიდან გაათავისუფლა.

სხდომა საქმეზე 7 თებერვალს, 14:00 საათზე ჩაინიშნა.

"52 პოლიტპატიმარი ჰყავს ქვეყანას, სრულიად უსაფუძვლოდ, მაგრამ მაინც ერთი რამ მინდა ვთქვა, როდესაც მე დამაკავეს, ჩემთან ერთად დააკავეს ახალგაზრდა გოგო, ბაღის მასწავლებელი, ასევე დაწყებითის მასწავლებელი ახალგაზრდა გოგო, ლექტორი ახალგაზრდა გოგო, ახალგაზრდა ბიჭი IT სპეციალისტი, რომელიც ნერვიულობდა იმაზე, რომ მეორე დღეს 8:00 საათზე ჰქონდა გასაუბრება. ერთი სიტყვით, ეს რეჟიმი ასამართლებს ამ ქვეყნის საუკეთესო შვილებს, მაგრამ როგორც ყველა რეჟიმი, ეს რეჟიმიც აუცილებლად დასრულდება. მათ შორის, დასრულდება იმით, რომ არასდროს აღარ განმეორდეს ცრუ მოწმეები, ეს ფარსი, რომელსაც უსამართლო სასამართლო ჰქვია", — განაცხადა ქადაგიძემ გათავისუფლების შემდეგ.