სტრატეგიული მნიშვნელობის ობიექტების ნუსხას საავტომობილო გზები დაემატა, რომელთა გადაკეტვა 4 წლამდე პატიმრობით დაისჯება. დადგენილება მთავრობამ 31 იანვარს გამოსცა და მას ხელს ოცნების პრემიერი ირაკლი კობახიძე აწერს.

შეგახსენებთ, რომ 2 თებერვლისთვის, 16:00 საათზე აქტივისტების ჯგუფმა თბილისის შემოსასვლელში, სავაჭრო ცენტრ "თბილისი მოლთან" ავტომაგისტრალის გადაკეტვა დაგეგმეს. 31 იანვარს კი, მთავრობის აღნიშნული დადგენილება გამოქვეყნდა.

კანონის მიხედვით, სტრატეგიული ობიექტის ხელში ჩაგდებას ან ბლოკირება 2 წლამდე თავისუფლების აღკვეთას ითვალისწინებს. იგივე ქმედების ჯგუფურად ჩადენა კი 2-დან 4 წლამდე პატიმრობით ისჯება; ტერორისტული მიზნით სტრატეგიული ობიექტის ხელში ჩაგდება ან ბლოკირება — 10-დან 15 წლამდე პატიმრობას.

შეგახსენებთ, რომ 2024 წლის 26 ოქტომბრის არჩევნებამდე 3 დღით ადრე, მთავრობამ სტრატეგიული ობიექტების ნუსხაში ცვლილებები შეიტანა და სიაში შეიტანა ცესკო, საპატრიარქო, საელჩოები და ა.შ.

სტრატეგიული მნიშვნელობის ობიექტებს ჩამონათვალი ასეთია

საქართველოს უმაღლესი წარმომადგენლობითი ორგანოს ან/და აღმასრულებელი ხელისუფლების ორგანოების/დაწესებულებების, აგრეთვე ავტონომიური რესპუბლიკების უმაღლესი წარმომადგენლობითი ან/და აღმასრულებელი ორგანოების ადმინისტრაციული შენობები;

საქართველოს პრეზიდენტის ადმინისტრაციის ადმინისტრაციული შენობა;

საქართველოს მთავრობის ადმინისტრაციის ადმინისტრაციული შენობა;

საქართველოს საკონსტიტუციო სასამართლოსა და საერთო სასამართლოების ადმინისტრაციული შენობები;

საქართველოს იუსტიციის უმაღლესი საბჭოს ადმინისტრაციული შენობა;

მუნიციპალიტეტის საკრებულოს ან/და მერიის ადმინისტრაციული შენობები;

საქართველოს პროკურატურის სისტემის ადმინისტრაციული შენობები;

ეროვნული უსაფრთხოების საბჭოს აპარატის ადმინისტრაციული შენობა;

საქართველოს სახელმწიფო უსაფრთხოების სამსახურის ადმინისტრაციული შენობა;

საქართველოს დაზვერვის სამსახურის ადმინისტრაციული შენობა;

საქართველოს ეროვნული ბანკის ადმინისტრაციული შენობა;

საელჩოები და საკონსულო დაწესებულებები;

საქართველოს ცენტრალური საარჩევნო კომისიის ადმინისტრაციული შენობა;

საქართველოს საპატრიარქო;