"დაუბრუნდეს საზოგადოებრივი მაუწყებელი ხალხს" — პროტესტის ორი თვის თავზე საზოგადოებრივ მაუწყებელთან საპროტესტო აქცია განახლდა. აქციის მონაწილეებმა საავტომობილო გზა უკვე გადაკეტეს.

აქციის მონაწილეები ხალხისთვის ეთერის დათმობას ითხოვენ და აცხადებენ, რომ საზოგადოებრივი მაუწყებლის ეთერში საზოგადოების ხმა არ ისმის.

"ეს არის [საერთო ბრძოლის] ერთ-ერთი უმნიშვნელოვანესი კერა. გელოდებით ყველას, რომ ერთად ვუთხრათ არხის ხელმძღვანელობას, რომ ეს არხი ეკუთვნის საზოგადოებას, ეს ქვეყანა ეკუთვნის ქართველ ხალხს", — აცხადებს ანა რიაბოშენკო, კულტურა დემოკრატიისთვის წარმომადგენელი.

საზმაუსთან შეკრებილი არიან ბათუმელებისა და ნეტგაზეთის დამფუძნებლის მზია ამაღლობელის მხარდამჭერები და თანამოაზრეები, საპროტესტო აქციებზე დაკავებული პატიმრების ახლობლები და ოჯახის წევრები. მოგვიანებით ისინი პარლამენტისკენ მსვლელობით წავლენ და იქ შეკრებილ აქციის მონაწილეებს შეუერთდებიან.