24 იანვარს ათიათასობით ადამიანი შეიკრიბა სლოვაკეთში მოედნებზე და ქუჩებზე, რათა გამოეთქვა წინააღმდეგობა პოპულისტი პრემიერმინისტრის, რობერტ ფიცოს პრორუსული პოლიტიკის მიმართ. ამის შესახებ The Associated Press წერს.

ანტისამთავრობო აქციების გააქტიურება ფიცოს მოსკოვში ბოლო ვიზიტისა და რუსეთის პრეზიდენტ ვლადიმირ პუტინთან შეხვედრის შემდეგ გააქტიურდა.

სლოვაკეთში საპროტესტო ტალღა ქვეყანაში ფიცოს ბოლოდროინდელმა განცხადებებმა გამოიწვია იმის შესახებ, რომ შესაძლებელია სლოვაკეთის საგარეო პოლიტიკური ორიენტაცია შეიცვალოს და ქვეყანამ ევროკავშირი და ნატო დატოვოს.

"სლოვაკეთი არ არის რუსეთი, სლოვაკეთი ევროპაა", "ფიცო გადადგეს", – სკანდირებდნენ აქციის მონაწილეები ბრატისლავაში.

პარასკევის აქციები სლოვაკეთში 28 ლოკაციაზე გაიმართა, ეს ციფრი ორჯერ მეტია ორი კვირის წინანდელ პროტესტთან შედარებით.