კარლა სოფია გასკონი პირველი ღიად ტრანსგენდერი მსახიობი გახდა, რომელიც ოსკარზეა ნომინირებული. ესპანელი ტელევარსკვლავი ერთ-ერთ ყველაზე პრესტიჟულ კინოდაჯილდოებაზე ჟაკ ოდიარის ფილმ Emilia Pérez-ში შესრულებული მთავარი როლისთვისაა წარდგენილი.

თუმცა, ეს პირველი შემთხვევა არაა, როცა გასკონმა ისტორიული პრეცედენტი შექმნა. იგი ასევე არის პირველი ტრანსგენდერი ქალი, რომელმაც კანის კინოფესტივალზე საუკეთესო მსახიობი ქალის ჯილდო დაიმსახურა და პირველი ტრანსგენდერი ქალი მსახიობი, რომელიც ოქროს გლობუსზე იყო ნომინირებული. Emilia Pérez-ის გამოსვლამდე, მსახიობი ყველაზე მეტად ლათინოამერიკულ ტელენოველებში მონაწილეობით იყო ცნობილი.

დღესდღეობით, ოსკარს მხოლოდ სამი ტრანსგენდერი ნომინანტი ჰყავს: გასკონის გარდა, კინოაკადემიის დაჯილდოებაზე წინათ წარდგენილნი იყვნენ კომპოზიტორი ანჯელა მორლი და მსახიობი ელიოტ პეიჯი, რომელიც 2020 წელს დაქამინგაუთდა.

რაც შეეხება Emilia Pérez-ს, ოდიარის ნამუშევარი წლევანდელ ოსკარზე ყველაზე მეტ, 13 ნომინაციაშია წარდგენილი. ამერიკული კინოინსტიტუტის მიერ 2024 წლის 10 საუკეთესო ფილმს შორის დასახელებული ნაწარმოები გვიყვება გასკონის პერსონაჟზე, ნარკობარონზე, რომელიც ადვოკატის დახმარებით თავისი სიკვდილის გათამაშებასა და ტრანზიციის გავლას გეგმავს.

ფილმი ოქროს გლობუსის წლევანდელ დაჯილდოებაზეც იყო წარდგენილი 10 ნომინაციაში, საიდანაც ოთხი მოიგო კიდეც.

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...