"რუსული კანონის" საწინააღმდეგო აქციაზე დაკავებული გიორგი ოკმელაშვილის საქმეზე გადაწყვეტილების გამოცხადება გადაიდო.

მოსამართლის გადაწყვეტილებით, დღეს ის არც ბრალდებულის სიტყვას მოისმენს, რაც იმას ნიშნავს, რომ გადაწყვეტილების გამოცხადებამდე, კიდევ ერთი პროცესი გაიმართება.

გამოძიების ინფორმაციით, 13 მაისს, პარლამენტის მიმდებარე ტერიტორიაზე გამართულ საპროტესტო აქციაზე გიორგი ოკმელაშვილმა შინაგან საქმეთა სამინისტროს თანამშრომელს ალექსანდრე ოხანაშვილს ფიზიკური შეურაცხყოფა მიაყენა.

პროცესის დაწყებამდე გიორგი ოკმელაშვილის მეუღლემ თამთა ჩხეიძემ ტTV პირველთან განაცხადა, რომ უსამართლო სასამართლოს იმედი არ ჰქონდა.

"მოლოდინი სამართლიანი სასამართლოსი ნამდვილად არა მაქვს, მაგრამ ჩვეულებრივად გასამართლდება და მიუსჯიან, ალბათ, როგორც სხვა დანარჩენებს. მოლოდინი ნაკლებად მაქვს რომ რაიმე სამართლიანი გადაწყვეტილება გამოიტანოს მოსამართლემ. უსამართლო სასამართლოს შენობაში ვდგავართ." — განაცხადა თამთა ჩხეიძემ.

სარეკლამო კომპანია "ლიმონის" დამფუძნებელი, გიორგი ოკმელაშვილი 2024 წლის წლის 15 მაისს დააკავეს. ოკმელაშვილს პოლიციელზე თავდასხმას ედავებიან.