ილონ მასკმა დონალდ ტრამპს მეორე ვადით გაპრეზიდენტება Capital One Arena-ზე სიტყვით გამოსვლისას მიულოცა და თქვა რომ "ეს ის გრძნობაა, რასაც გამარჯვება ჰქვია".

"ეს არ იყო ჩვეულებრივი გამარჯვება. ეს იყო გზაგასაყარი კაცობრიობის ცივილიზაციის გზაზე. არის არჩევნები, რომელიც მოდის და მიდის. ზოგიერთი

არჩევნები მნიშვნელოვანია, ზოგი არა. მაგრამ ამას ნამდვილად ჰქონდა მნიშვნელობა. მე უბრალოდ მინდა, გითხრათ მადლობა, რომ ეს მოხდა. ჩვენ გვექნება უსაფრთხო ქალაქები, დაცული საზღვრები, გონივრული ხარჯები", – განაცხადა ილონ მასკმა დონალდ ტრამპის ინაუგურაციის შემდეგ.

შეგახსენებთ, რომ 20 იანვარს კაპიტოლიუმში მეორედ დადო საპრეზიდენტო ფიცი დონალდ ტრამპმა და აშშ-ს რიგით 47-ე პრეზიდენტი გახდა.

არჩეული პრეზიდენტის, დონალდ ტრამპის 12 ნოემბრის განცხადებით, ილონ მასკი და ვივეკ რამასვამი მის ადმინისტრაციაში ახალ მთავრობის ეფექტიანობის დეპარტამენტს უხელმძღვანელებენ.