ჩეხეთის საგარეო უწყება X-ზე გიორგი გახარიაზე თავდასხმას ეხმაურება და წერს, რომ უწყება ამ ფაქტით შოკირებულია.

"შოკირებული ვართ საქართველოს ყოფილ პრემიერ-მინისტრ გიორგი გახარიაზე თავდასხმით. საქართველოში პოლიტიკურმა ძალადობამ კიდევ ახალ დონეს მიაღწია. საქართველოს ოფიციალურ პირებს მოვუწოდებთ, გამოუძიონ მომხდარი და პოლიტიკური და სამოქალაქო ოპოზიციის წინააღმდეგ შემდგომი ძალადობა აღკვეთონ", — წერს ჩეხეთის საგარეო უწყება X-ზე.