"ქართული ოცნების" საგარეო საქმეთა მინისტრი მაკა ბოჭორიშვილი აზერბაიჯანს 16 იანვარს ეწვევა, ირაკლი კობახიძე კი — 17 იანვარს.
საგარეო უწყების მიერ გავრცელებულ ინფორმაციაში ნათქვამია, რომ დღეს მაკა ბოჭორიშვილი აზერბაიჯანის რესპუბლიკას ამ რანგში პირველი ოფიციალური ვიზიტით ეწვევა.

ის შეხვედრას გამართავს აზერბაიჯანის საგარეო საქმეთა მინისტრ ჯეიჰუნ ბაირამოვთან როგორც პირისპირ, ასევე გაფართოებულ ფორმატში.

შეხვედრის შემდეგ მათი ერთობლივი პრესკონფერენციაა დაგეგმილი.

"მინისტრი ასევე გვირგვინით შეამკობს მარადიული ცეცხლის მემორიალს "შეჰიდების ხეივანში" და პატივს მიაგებს დაღუპულთა ხსოვნას", — წერს საგარეო უწყება.