დემოკრატი კონგრესმენი სტივ კოენი "ამერიკის ხმასთან" ინტერვიუში ივანიშვილზე საუბრობს, რომელსაც, მისი განმარტებით, ქვეყანა დასავლეთისგან შორს და რუსეთთან უფრო ახლოს მიჰყავს.

კონგრესმენის განცხადებით, ივანიშვილის მხარდაჭერილი მთავრობის არაღიარების პოლიტიკა უნდა გაგრძელდეს. მისი თქმით, საქართველოში უსამართლო და უკანონო არჩევნები ჩატარდა და აქედან ერთადერთი გამოსავალი ახალი არჩევნებია.

"ჰელსინკის კომისიის" წევრთა უმეტესობა დაინტერესებულია საქართველოსთან უკეთესი ურთიერთობით. და ამისთვის [საჭირო] გზა არის ამ უკანონო, ივანიშვილის მიერ მხარდაჭერილი მთავრობის არაღიარება, რომელმაც უკანონო, შეუსაბამო არჩევნები ჩაატარა, რომელსაც საერთაშორისო დამკვირვებლები აფასებენ, როგორც არაზუსტსა და უსამართლოს. [საჭიროა] შევაჩეროთ ურთიერთობა მანამ, სანამ ჩატარდება ახალი არჩევნები და იქნება პარლამენტი, რომელიც მთელ ქართველ ხალხსა და განსხვავებულ პარტიებს წარმოადგენს, ამჟამად, ეს მხოლოდ ივანიშვილის პარტიაა, ეს ივანიშვილის ხალხია.
მას ქართველი ხალხი დასავლეთისგან შორს მიჰყავს, იქიდან, სადაც ვფიქრობ მას სურს, რომ იყოს. მიჰყავს რუსეთთან უფრო ახლოს, სადაც თავად მისი გული და მისი ფულია. ესაა მისი მიმართულება. ეს სამწუხარო სიტუაციაა" — განაცხადა დემოკრატმა კონგრესმენმა.