დღეს, 30 დეკემბერს, მარნეული-ბოლნისის გზაზე, სოფელ ნახიდურში, 2 არასრულწლოვანს ავტომობილი დაეჯახა.

გავრცელებული ინფორმაციით, ერთ-ერთი მოზარდი ადგილზე გარდაიცვალა, ხოლო მეორე კლინიკაში გადაყვანიდან მალევე.

ადგილობრივი მედია Aktual.ge წერს, რომ გარდა ამისა, შემთხვევის შედეგად მძიმედ დაშავდა კიდევ ორი ახალგაზრდა, რომლებიც გზაზე გადადიოდნენ.

ამასთან, მედია წერს, რომ ადგილზე შეზღუდულია საავტომობილო მოძრაობა და შექმნილია საცობი, რადგან სამართალდამცველები შემთხვევის ადგილის მიმართულებით ავტომობილებს არ უშვებენ.