შავი ზღვის სანაპიროზე, ამინდის გაუარესების გამო, საშტორმო მდგომარეობა გამოცხადდა. საგანგებო სიტუაციების მართვის სამსახურის თქმით, მოსალოდნელია ოთხ-ხუთბალიანი შტორმი. უწყება მოქალაქეებს აფრთხილებს, რომ უსაფრთხოების მიზნით არ შევიდნენ შავ ზღვაში, დაემორჩილონ წყალზე მაშველთა მითითებებს და ბავშვები მეთვალყურეობის გარეშე არ დატოვონ.

როგორც საგანგებო სიტუაციების მართვის სამსახურში ამბობენ, სანაპირო ზოლზე არსებულ ყველა საგუშაგოზე აღმართულია ცურვის ამკრძალავი წითელი ალმები.