"დოიჩე ველეს" მიერ გავრცელებული ინფორმაციით, გერმანიის პრეზიდენტმა, ფრანკ-ვალტერ შტაინმაიერმა ბუნდესტაგი დაითხოვა და ვადამდელი არჩევნების თარიღი გამოაცხადა.

იმავე წყაროს ცნობით, გერმანიის პრეზიდენტის თქმით, ვადამდელი არჩევნები 2025 წლის 23 თებერვალს დაინიშნა.

"ისეთ რთულ დროს, როგორიც ახლაა, სტაბილურობის უზრუნველსაყოფად საჭიროა ქმედუნარიანი მთავრობა და პარლამენტში საიმედო უმრავლესობა", — განაცხადა პრეზიდენტმა კანცლერ ოლაფ შოლცის მოთხოვნით მიღებულ გადაწყვეტილებაზე.

ცნობისთვის, 16 დეკემბერს გერმანიის პარლამენტმა კანცლერ ოლაფ შოლცის მთავრობას უნდობლობა 394-ხმით 207-ის წინააღმდეგ გამოუცხადა.

მოგვიანებით, შოლცმა პრეზიდენტ ფრანკ ვალტერ შტაიმერს პარლამენტის დათხოვნის მოთხოვნით მიმართა.