ოლაფ შოლცი მაგდებურგში ჩავიდა, - ამის შესახებ ინფორმაციას The Guardian-ი ავრცელებს.

"საშობაო ბაზრობა ძალიან მშვიდი და მხიარული ადგილია. საშინელი ტრაგედიაა, რომ ასეთ ადგილას ასეთი სისასტიკით ამდენი ადამიანი დაშავდა და დაიღუპა", — განაცხადა გერმანიის კანცლერმა, ოლაფ შოლცმა.

გერმანიის კანცლერმა დაშავებულებისა და დაღუპულების ოჯახებს თანაგრძნობა გამოუცხადა და თქვა, რომ თავდასხმას გამოიძიებენ.

20 დეკემბერს, გერმანიის ქალაქ მაგდებურგის საშობაო ბაზრობაზე თავდასხმის შედეგად დაღუპულთა რაოდენობა ხუთამდე გაიზარდა. დაშავებულია 200 ადამიანი, მათ შორის 40 — მძიმედ.

როგორც CNN იტყობინება მამაკაცი, რომელიც მაგდებურგში საშობაო ბაზრობაზე შეიჭრა, უკვე დაკავებულია. ეჭვმიტანილი 50 წლის, გერმანიაში მცხოვრებ საუდელი არაბი ექიმია.

ამავე თემაზე: