20 დეკემბერს, გერმანიის ქალაქ მაგდებურგის საშობაო ბაზრობაზე თავდასხმის შედეგად დაღუპულთა რაოდენობა ხუთამდე გაიზარდა. დაშავებულია 200 ადამიანი, მათ შორის 40 — მძიმედ.

გერმანიის კანცლერმა, ოლაფ შოლცმა მომხდარს "საშინელი ქმედება" უწოდა და შემთხვევის ადგილზე გაემგზავრა.

20 დეკემბრის საღამოს, ავტომობილი, რომელსაც 50 წლის საუდელი არაბი კაცი მართავდა, საშობაო ბაზრობაზე შეიჭრა. ეჭვმიტანილი, სავარაუდოდ, ისლამისტ-რადიკალური მოწინააღმდეგეა და სიმპათიითაა განწყობილი პარტია "ალტერნატივა გერმანიისთვის" მიმართა. მას გერმანული მედია მოიხსენიებს როგორც — Taleb A და ფიქრობენ, რომ იგი თანამემამულეებს სამშობლოს დატოვებაში ეხმარებოდა.

საუდის არაბეთის საგარეო საქმეთა სამინისტრომ პარასკევის თავდასხმა გერმანიის საშობაო ბაზრობაზე დაგმო და სამძიმრის წერილი გაგზავნა.

"სამეფო ადასტურებს თავის პოზიციას და გმობს ძალადობას და თანაგრძნობას და გულწრფელ სამძიმარს უცხადებს გარდაცვლილთა ოჯახებს და გერმანიის ფედერაციულ რესპუბლიკას, მთავრობას და ხალხს, უსურვებს დაშავებულებს სწრაფ გამოჯანმრთელებას", — ნათქვამია განცხადებაში, რომელსაც CNN ავრცელებს.

როგორც CNN იტყობინება მამაკაცი, რომელიც მაგდებურგში საშობაო ბაზრობაზე შეიჭრა, უკვე დაკავებულია.

"პოლიციამ დააკავა კაცი, რომელიც 50 წლის, გერმანიაში მცხოვრებ საუდელი არაბი ექიმია. დანაშაულის მოტივი ხელისუფლებას ჯერ არ დაუდგენია", — წერს CNN.