ფეისბუკის დამფუძნებელ მარკ ცუკერბერგს და პრისცილა ჩანს 28 აგვისტოს მეორე შვილი შეეძინათ. წყვილმა თავიანთ გოგოს აუგუსტი დაარქვეს.

ტრადიციულად, როგორც ეს მაქსის შემთხვევაში მოხდა, მარკმა და პრისცილამ ახალშობილ აუგუსტს ფეისბუკზე წერილი მიუძღვნეს.

წერილში მარკი და პრისცილა ამბობენ, რომ, როგორც მაქსისთვის მიძღვნილ წერილში წერდნენ, მათ ისევ სჯერათ, რომ მათი შვილების თაობა უკეთეს სამყაროში იცხოვრებს.

"სამყარო უკეთესი განათლებით, ნაკლები დაავადებებით, უფრო ძლიერი საზოგადოებით, უფრო დიდებული თანასწორობით. იმის მიუხედავად, რომ ახალი ამბები ხშირად ნეგატიურ ნაწილზე არიან ფოკუსირებულნი, მაინც გვჯერა, რომ მოვლენები პოზიტიურად განვითარდება".

პრისცილამ და მარკმა თავიანთ შვილს წერილით ბედნიერი ბავშვობა უსურვეს:

"სამყარო სერიოზული ადგილია, ამიტომ, აუცილებელია გარეთ გახვიდე და ითამაშო. მანამდე, კი იმედია ძილი გეყვარება და კარგად იძინებ და სიზმრებშიც კი იგრძნობ, როგორ ძალიან გვიყვარხარ".

მაქსის დაბადების შემდეგ, ცუკერბერგმა განაცხადა, რომ ფეისბუკის მოგების მნიშვნელოვან წილს ქველმოქმედებას და სხვადასხვა პროექტებს მოახმარდა, ამ შემთხვევაში მას მსგავსი განაცხადი არ გაუკეთებია. ასევე უცნობია, რამდენი ხნით აიღებს მარკ ცუკერბერგი დეკრეტს.