რუსეთის თავდაცვის მინისტრმა, ანდრეი ბელოუსოვმა, რუსეთის თავდაცვის სამინისტროს გაფართოებულ კოლეგიაზე სიტყვით გამოსვლისას თქვა, რომ რუსეთი მომდევნო ათწლეულის განმავლობაში "ნებისმიერი სცენარის განვითარებისთვის მზად უნდა იყოს, მათ შორის, ევროპაში NATO-სთან შესაძლო სამხედრო კონფლიქტისთვის".

"ამაზე მეტყველებს გადაწყვეტილებები, რომლებიც მიმდინარე წლის ივლისში NATO-ს სამიტზე მიიღეს. ეს ასევე აისახა აშშ-ისა და ნატოს სხვა ქვეყნების დოქტრინულ დოკუმენტებში", — თქვა ბელოუსოვმა.

ამასთან, კოლეგიის სხდომაზე ისაუბრა რუსეთის პრეზიდენტმა ვლადიმერ პუტინმაც და ბელოუსოვის მსგავსად თავის გამოსვლაში მანაც "დასავლეთთან დაპირისპირებაზე" და "უკრაინის ომში მონაწილე რუსული ჯარების წარმატებებზე ისაუბრა".