საქართველოს პარლამენტში ახალი პრეზიდენტის არჩევის კენჭისყრა უკვე დასრულდა. ამ წუთებში ხმებს ითვლის ცესკო, რომელიც პლენარულ სხდომათა დარბაზში ჩატარებულ პროცედურას უძღვებოდა.

კენჭისყრა ღია წესით ჩატარდა, მაგრამ მასში მონაწილეობა ოპოზიციას არ მიუღია. პრეზიდენტობის კანდიდატი მხოლოდ ერთი იყო — მიხეილ ყაველაშვილი.

პარლამენტის წევრებმა ხმა პირველებმა მისცეს, შემდეგ კი ანბანური თანმიმდევრობით მათ სხვა სახელმწიფო ორგანოების წარმომადგენლები მოყვნენ.

ცნობისთვის, იმისათვის, რომ ახალი პრეზიდენტი აირჩეს, 300-წევრიანი კოლეგიის სრული შემადგენლობის 2/3-ის ხმაა საკმარისი, რაც 200 წევრის ეკვივალენტურია. ასევე, ესაა პრეზიდენტის არაპირდაპირი არჩევა და თანამდებობის ხუთის წლის ვადით დაკავებას ითვალისწინებს.