იმაზე ღრმა შრამს ვერ დამიტოვებენ, ვიდრე ჩემი ახლობლების სიჩუმით გამოწვეული დაღი ამჩნევია ჩემს გულს, — ამის შესახებ ბოლნისის საჯარო სკოლის მასწავლებელი ფიქრია ეპიტაშვილი სოციალურ ქსელში წერს.

"მეგობრებო, კარგად ვარ.

სამედიცინო დახმარება გაწეული მაქვს.

გამოძიება დაწყებულია.

იმაზე მეტად ვერ მატკენდნენ, ვიდრე ჩემი ქვეყნის ბედი მტკივა.

იმაზე ღრმა შრამს ვერ დამიტოვებენ, ვიდრე ჩემი ახლობლების სიჩუმით გამოწვეული დაღი ამჩნევია ჩემს გულს.

იმაზე მეტად ვერ შემაშინებენ, ვიდრე რუსეთში გაღვიძების მეშინია.

პ.ს დედაჩემის ნერვიულობა არ შერჩება არავის.

პ.პ.ს. ახლა მე უნდა დავიძინო და იქნებ თქვენ გაიღვიძოთ", — წერს ფიქრია ეპიტაშვილი სოციალურ ქსელში.

შეგახსენებთ, რომ 11 დეკემბერს ბოლნისის საჯარო სკოლის მასწავლებელს უცნობი პირი მიეპარა და სამართებელი სახეზე გადაუსვა. როგორც სოციალურ ქსელში ალექსანდრე ცნობილაძე წერს, რომ თავდასხმამდე მოძალადემ ქალს უთხრა: “გააჯ*ვას თავისნაირ აგენტებთან ევროპაში.