საპროტესტო აქციების დროს საქართველოში მოქმედი ერთ-ერთი ბანკის, თიბისის, 2 თანამშრომელი დააკავეს. ესენი არიან გიორგი მაისურაძე და გიორგი ქორქაძე.

ამასთან დაკავშირებით თიბისი განცხადებას ავრცელებს და დაკავებულების დაუყოვნებლივ გათავისუფლებას მოითხოვს.

"დღეს, 8 დეკემბერს, თიბისელები შევიკრიბეთ თბილისის საქალაქო სასამართლოსთან, რათა მხარი დავუჭიროთ ჩვენი გუნდი ორ წევრს — გიორგი მაისურაძესა და გიორგი ქორქაძეს, რომლებიც საპროტესტო აქციების დროს უსაფუძვლოდ დააკავეს — და მოვითხოვთ მათ დაუყოვნებლივ გათავისუფლებას. სოლიდარობას ვუცხადებთ მშვიდობიან პროტესტში მონაწილე ყველა დაკავებულს და ვგმობთ ყველანაირ ძალადობას მშვიდობიანი დემონსტრანტების მიმართ", — წერია განცხადებაში.