რუსთაველის გამზირზე, პარლამენტის მიმდებარედ საპროტესტო აქციაზე დაკავებული რევაზ კიკნაძე იზოლატორიდან წერს, რომ სთხოვდნენ ეთქვა ტყუილი, თითქოს ოპოზიციონერი ლიდერები აფინანსებდნენ და მათ დავალებებს ასრულებდა. ახალგაზრდამ შიმშილობაც დააანონსა.

"ამ წერილს ვწერ წინასწარი მოთავსების იზოლატორიდან. ვარ უკანონოდ დაკავებული. მთხოვდნენ მეთქვა ტყუილი და დამესახელებინა ადამიანები, ვითომდა ისინი მაფინანსებდნენ და მათ დავალებებს ვასრულებდი. მთხოვდნენ დამესახელებინა ჯაფარიძე, ხოშტარია, გვარამია და სხვა პირები. აღნიშნულს ვერანაირად ვერ დავასახელებდი, რადგან მსგავსი არაფერი ყოფილა. ვაცხადებ შიმშილობას. ამ ბრძოლას მოვიგებთ ერთად", — წერს კიკნაძე წერილში.

რევაზ კიკნაზე 6 დეკემბერს დააკავეს.