დღევანდელ ბრიფინგზე, საქართველოს პრემიერმინისტრმა, ირაკლი კობახიძემ განაცხადა, რომ საჯარო დისკუსიის მსურველ სუბიექტებს კონკრეტულ ადგილსა და ფორმატს შესთავაზებენ.

მანვე აღნიშნა, რომ მალევე გამოაქვეყნებენ დეტალურ განცხადებას. მისი თქმით დისკუსიის დროს, მთლიანობაში მეორე მხარეს 11-12 ადამიანი უნდა წარმოადგენდეს.

"ძალიან მალე გამოვაქვეყნებთ ოფიციალურ განცხადებას, სადაც შეგვიძლია მათ შევთავაზოთ კონკრეტული დრო და ფორმატი. ჩემი მიდგომა არის ასეთი - სამი სუბიექტია — ჯანელიძე, ხიდაშელი და "გირჩი". მათ ვეტყოდი, რომ მთლიანობაში მოვიდნენ 11-12 კაცი, შევთავაზებთ კონკრეტულ ადგილსა და ფორმატს და გავმართოთ საჯარო დისკუსია, რაც უკავშირდება მთელი ამ 4 წლის გამავლობაში მიმდინარე მოვლენებს", — განაცხადა კობახიძემ.

ინფორმაციისთვის, მას შემდეგ რაც პრემიერმინისტრმა თქვა, რომ მზად არიან ნებისმიერ საკითხზე საჯარო ან საჯარო დისკუსიისთვის "გულწრფელ ადამიანებთან", ვინ ხელისუფლების მიერ მიღებული გადაწყვეტილებები "სხვანაირად გაიგო, დისკუსიის მზადყოფნა თავდაცვის ყოფილმა მინისტრმა თინა ხიდაშელმა და საგარეო საქმეთა ყოფილმა მინისტრმა მიხეილ ჯანელიძემ გამოთქვეს.