საქართველოს პირველმა არხმა განცხადება გაავრცელა, რომლის თანახმადაც, ისინი მზად არიან, რომ ეთერი პრეზიდენტ სალომე ზურაბიშვილს დაუთმონ.

"საქართველოს პირველი არხი აცხადებს, რომ საზოგადოებრივი მაუწყებელი მზად არის, ეთერი დაუთმოს პრეზიდენტს და, შესაბამისად, ჩვენ ველოდებით სალომე ზურაბიშვილს ინტერვიუსთვის საქართველოს პირველ არხზე.

ჩვენ მზად ვართ, რომ დღესვე მივიღოთ სალომე ზურაბიშვილი საზოგადოებრივ მაუწყებელში და დავუთმოთ მას ეთერი", — წერია განცხადებაში.

ეს ერთგვარი პასუხია იმ მოთხოვნებისა, რომლებსაც საზოგადოებრივი მაუწყებლის შენობასთან შეკრებილი ადამიანები აყენებენ. მათ სურთ, რომ ქვეყნის მიერ დაფინანსებულმა ტელევიზიამ საქართველოში მიმდინარე მოვლენები ობიექტურად გააშუქოს და ეთერი ოპოზიციურად განწყობილ ადამიანებსაც დაუთმოს.

ამ მოთხოვნებით პირველ არხთან აქცია უკვე ორი დღეა, იმართება.