დამსაქმებლების უმრავლესობა საუკეთესო აპლიკანტების მოზიდვას სხვადასხვა ბენეფიტებით ცდილობს, თუმცა ეს ინგლისელი ოჯახი ამ მხრივ ნამდვილი ჩემპიონია.

ისინი ძიძას თავიანთი მანქანების ტარების უფლებას აძლევენ. იღბლიანი კანდიდატი თავისუფალ დროს პორშეთი, მაზერატით ან რენჯ როვერით გასეირნებას შეძლებს, პროფესიონალი მზარეულის მიერ მომზადებულ კერძებს მიირთმევს და 6 ციფრიანი ხელფასი ექნება.

ბავშვების მოვლის ბრიტანულ საიტზე დარეგისტრირებული განცხადების მიხედვით, ძიძა, რომელიც ამ სამსახურს მიიღებს, ოთხ ბავშვზე იზრუნებს, რომელთა ასაკიც 2, 5, 7, და 15 წლები იქნება.

როგორც ცნობილია, სამუშაო მარტივი ნამდვილად არ იქნება. შერჩეულ კანდიდატს კვირის დღეებში 13 საათიანი მუშაობა და 4 სხვადასხვა ადგილას ყოველკვირეული მოგზაურობა მოუწევს. ბავშვები ლონდონში, ბარბადოსში, ატლანტასა და კეიპ-ტაუნში ცხოვრობენ.

აპლიკანტს ბავშვთა ფსიქოლოგიაში უმაღლესი განათლება და ძიძად მუშაობის 15 წლიანი გამოცდილება მოეთხოვება, თუმცა ამ გამოცდილებაში მის საკუთარ შვილებთან ურთიერთობა არ შედის. მას არ უნდა ჰქონდეს დარღვევების ისტორია მანქანის მართვისას და დასჭირდება სერტიფიკატები, რომლებიც მის პიროვნებას საუკეთესოდ წარმოაჩენს. მას ეკრძალება ნარკოტიკებისა და ალკოჰოლის მიღება თავისუფალ დროს.

აპლიკაციაზე განაცხადი უკვე ბავშვის მოვლის 300-ზე მეტმა პროფესიონალმა შეიტანა. როგორც მოსალოდნელი იყო, მხოლოდ მშობლებისთვის თავის მოწონება არ იქნება საკმარისი, გასაუბრების მეორე ნაწილი მას ბავშვებთან მოუწევს.