მელიქიშვილის გამზირზე მიმდინარე აქციის დროს, პოლიციაზე თავდასხმის ბრალდებით დაკავებულ მათე დევიძეს სასამართლომ აღკვეთის ღონისძიების სახით პატიმრობა შეუფარდა. გადაწყვეტილება მოსამართლე დავით კურტანიძემ გამოაცხადა, რომელმაც პროკურატურის შუამდგომლობა დააკმაყოფილა. ინფორმაციას საზოგადოებრივი მაუწყებელი ავრცელებს.

საქმეზე შემდეგი სასამართლო სხდომა 2025 წლის 16 იანვარს ჩაინიშნა.

დევიძეს პროკურატურამ ბრალდება სისხლის სამართლის კოდექსის 353-ე პრიმა მუხლის პირველი ნაწილით (პოლიციელზე თავდასხმა, პოლიციელის სამსახურებრივ საქმიანობასთან დაკავშირებით) წარუდგინა, რაც სასჯელის სახედ და ზომად 4-დან 7 წლამდე თავისუფლების აღკვეთას ითვალისწინებს.

პოლიციამ 2003 წელს დაბადებული მათე დევიძე 21 ნოემბერს დააკავა.
აქციაზე დაკავებულ მათე დევიძეს აღკვეთის ღონისძიებად პატიმრობა შეეფარდა